414 Kreisklasse 4Herren

Ja war nomoi wuid zum Schluss. Gelbe Karten,Fouls und Beschwerden. Jetz is nomoi as Feuer ins Spui kemma. Hätt ma friaga braucht weils sau koid herausn war. Und da anscheinend hod oana vo de Haggedorfner der gfoult worn is sei ganze Luft verlorn weil sei Nosn so ausschaut wia a Druckluftventil. Wos ma ned ois sigd an so am Sonntag am Sportplatz. In diesem Sinne no an scheena Omd und jetz erstmoi Football schaun

Abpfiff der Begegnung

Und geiler Schuss von Haggedorf ins Seitenaus. Da Renauer macht an Mechaniker. Sauf aus dein Kakao Bua du muasd ind Schui. Und wer des ned kennt der muas zwoa Euro wega Dummheit zoin

Freistoß von uns und ja da Gröppi laffd hoid mim Keeper zam. Er hod Gelb griagd ois easy. Herausn werd sich gegenseitig zrugghoidn weil sich beschwert werd. Entspannts eich is doch scho ois guad

Quizfrage an alle. Die Beschreibung is. Ja wenns a bissl zuckt und dann wos schmeckt dann is er durch und dann muasdn ausm Mund nehma. Is des a Snus oder die magische Flöte ? Wenn mas ned woas is des vui zu wuid wos do herausn Gesprächsthema is

Elfmeter für FC Forstern

Ja madig. Da Basti hoid an Elfer raus und da Ax schiaßd aber da Keeper hoidn. Zefix haste Scheiße am Fuß haste Scheiße am Fuß.

Und da Schmoiz hod sich grod selber gwundert das er so schnell laffa kon. Und herausn suachd da Foite an Mitbewohner für sei WG. Anscheinend a große freistehende Badewann wui er. Moi schaun ob er wen findet. I dad mi hiermit a offiziell bewerben. Casting Start is in drei Tage

Beginn der zweiten Halbzeit

Ja mei wos soi ma song. Warn guad dabei aber hoid a Kackboi und dann is bassiad. Aber schauma positiv nach vorne und haun eana no zwoa Butzn in da zwoatn Hälfte nei

Halbzeit der Begegnung

Ja himmehergott wos isn des. Aiso Jungs es gibt koa B Note auf de Kür. Einfach neihaun. Samu kimmd durch und in de Box und legdn aufn Basti ob. Der draht sich nomoi und des war as Problem. Do is hoid wieder a Haggedorfner Hax dazwischen. Aber geht scho no Jungs

Puuh fast hätts wieder gschäbad aber war a Foul am Renauer. Glück ghabt. Aber mia san eigentlich besser drinnen. Aber no nix zählbares. Ja Männer vor da Hoibzeit no a Heisl vo uns warad psychologisch perfekt

Schade. Nachdem da Unte herausn seine Klasse mit den überragenden Reflexen aufblitzen lassd und mir an Einwurf ham hodn da Domi do ling und draht sich nomoi um. Leider daneben. Wenn ee direkt gschossn hätt warads evtl andas ausganga. Aber des woas nua da Fuaßboigott

Tor für FC Hörgersdorf

Und dann bassiads. Vorne hui hinten pfui. Abschluss von uns und dann kimmd oa langer Boi aufn Glatzadn vo Haggedorf und der machtn hoid nach alter Manier. Eieiei Männer so hamm uns des ned vorgestellt

So weil mia a wengal a Verzögerung ghabt ham is a wengal spada opfiffa worn. Mia ham uns ja no wos zun dringa hoin miasn. Hatten scho a guade Chance mit Ecke usw. Aber no is nix zamganga. Aber schaut ned so verkehrt aus bis jetz

Anpfiff der Begegnung