414 Kreisklasse 4Herren

Ja so ein Scheiß. I moan 2 Minuten Nachspuizeit san scho wenig aber okay. Konn ma nix macha. Mia dringan jetz no a bar hoibe und vergessns oafach

Abpfiff der Begegnung

Tor für TuS Oberding

Ja zefix. Tobs hoid sich Gelb Rot ob. Dann der Freistoß geht aufs Heisl. Da Stef kimmd dro aber hoid ned guad. Und do kimmd da TuS dro. Zefix

Die Ereignisse überschlong sich. Samu griagd eigentlich an Scheißboi and Ecke. Der lassd den Verteidiger im Regen steh und legd aufn Basti ob. Der baggd an Traumschuss aus und nogldn leider an rechten Pfosten. Im Gegenzug fahrt da TuS an erfolglosen Konter. Haarscharf oida

Samu schnackelt oan ausm Fuaß nei. Da Keeper lassdn passieren. Aber des war haarscharf

Ja zefix. Lattentreffer vo uns. Jetz is Druck do

Tor durch Lukas Gröppmair (15)

Oida da Gröppmeister schlogd zua. Nach na Ecke kimmd da Boi vor seine Haxn und in bester Torjägermanier haudan nei. Stark Männer

Tor durch Bastian Keilhacker (4)

Ja saggradi. Do gehst zum Bier hoin und aufs Klo und dann foids. De ersten zwoa de i gfrogd hob warn selber grod beim Bier hoin. Aber aufn Este is verlass der woas wers gschossn hod. Meace Este ois fürn Ticker

Tor für TuS Oberding

Ja zefix. Und do bassiads. Boi kimmd über rechts in Strafraum. Mia versuachan zum klären aber leider direkt vorm Oberdinger seine Haxn. Und der schiabdn nei. So ein scheiß

Strafstoßtor für TuS Oberding

Ja zefix. Aiso i woas ned wo as Problem is aber i glab as Flutlicht is guad gnua um zum seng das der außerhalb war. Aber mei. Links unten. Stef hod de Ecke ghabt aber leider nimma dro. Wurscht auf gehts Männer des reißts no rum

Gruaß an Done. Da TuS hod grod an Komet gschlong zu deinen Ehren. Aber so schee wia du homsn ned gschlong und derjenige hod a ned so schee gschrian wia du. Scheena Gruaß nach Kroatien und Prost

Beginn der zweiten Halbzeit

So in da Hoibzeit erstmoi an Geburtstagsgruß. Samu du geiler Hund. Ois guade zum 18. Hoff ma dasd am TuS zum Geburtstag no oans eine schnoizt und danoch werd sauba gfeiert. Black Beauty, der Schrecken aller Außenverteidiger, Musik Moasta und Schwarm aller Mädls. Heid werds wuid. Ois guade zum 18. mei Bester

Halbzeit der Begegnung

Oida kurz vor da Hoibzeit no sauba Stress. Stef top Parade. Und dann fahrn mia den Konter. Scheena Lupfer aber leider knapp nebas Tor. Auf gehts Buam zwoate Hoibzeit dann

Ma merkt da Hunger is do. Tobi hoid sich a Gelbe ob. Vo de Oberdinger Ultras werd Rot gfordert. Aiso i merks scho do fehlt a Steaksemmel und a Hoibe

Omar den muasd saung. Steht draußen und do kimmd a hoher Boi. Er kanndn obasaung aber na. Er losdn drüberrutschen. Buale im Spui anders bitte. Griagsd a an Gin Tonic vo mir wennsd as machst

De Fans vom TuS san on fire. Samu werd vom Kapitän gfoult und der griagd an Oache Oba. Vo draußen kimmd „mit 40ge geht ma ind AH“. Is hoid oafach zlangsam für de junga Wuidn. Und prompt kimmd a Mittelfinger. Aiso ruhig ruhig es gibt ja glei wos zum Essen des beruhigt de Gemüter.

Ja leck. Ecke vom TuS aber da Renauer haud a Parade raus Par Excellence. Sau guad Stef hosd da a Steaksemme verdient

So da Grill is fertig jetz gibts dann boid wos. Jetz konzentriern ma uns wieder aufs Spui.

Wengal spät fang i o weil ma grod no an Grill zambaun miasn. San immer no dabei. Zefix i hätt gmoant Napoleon is a guade Markn aber des Glump is hantig zum zambaun zefix. Darauf dring ma erstmoi a Hoibe und rachan oane. Auf an guadn Kick

Anpfiff der Begegnung