428 A-Klasse 8Herren

Sauba Männer. An Punkt aus Neiching hoin is doch subba. So muas des. Jetz gibts a Dragal und den Punkt mitnehma. Vui Glück no an Neiching

Abpfiff der Begegnung

Tor durch Felix Eiermann (7)

Ja geiler Scheiß. Felix lochdn ei wia wenn er zwischen 5er und 11er si denkt es san 7 Meter und do kannd i moi a Heisl macha

Da Hobi der Gummihax ackert an Blods um. Sauban Keil hod der nausgschlong. Vo da Größe her wia a Bisamratz so vui Dreck wia do naus ganga is

Au weh. Neuching hod nach der Ecke as Pfostenglück

Guada Freistoß vom Schneider Bua. Aber guad nausdauchd

Dominic Masion (10) für Oliver Scheierke (15)

Da Keeper vo Neiching schlogd a Dragal. Jetz muas da Hass nei

Gelb für de Neichinga Bank

Dami schiabd o wia 5 Helle auf niachdan Mong. Aber leider kummd da Neichinger dazwischen

Burschn sauban Beef. Neiching Gelb mia hom nix gmacht. Oder hoidn de nix mehr aus oder wia ?

I glab mia brauchan an Sanka oder so in Neiching. Spuin naus der schaud kaputt aus

Simon Hobmaier (3) für Lukas Gröppmair (4)

Legende kimm. De neie Flex gega de guade oida Flex. Hobi auf gehts

Lukas Schneider (9) für Maximilian Stern (11)

Jetz heisl bua. Las oan naus wia in Ottenhof oder Zorneding das grod so schäbad

Damian-Luca Morgalla (16) für Fabian Herrmann (14)

Fabian Harry Haroslaf kimmd naus. Guad is ganga. Dami auf gehts

Irgend a Neichinger hod vorher Gelb griagd. Danke an Oeller Steph. Und da Bauer Luk a scho. Ned der der gheisld hod in Finsing sondern da anda

Ach geil. Des zwoate Hoibzeit fangt guad o. Zitat:“ i derf nix song sonst grisg i Gelb“. Des kummd in de Forsterner Anekdotensammlung

Beginn der zweiten Halbzeit

Aiso de Neichinga kennan ned nur Beachpartys sondern a einigermaßen guad Kicken. Mia hoidn guad dagegen aber leider unglücklich hinten. Auf a guade zwoate Hoibzeit. Aber as Bier laffd wia z‘Finsing einfach subba

Halbzeit der Begegnung

Die Gesprächsthemen vo de Neichinga Fans san echt interessant. Wia lang is a Kegelbahn ? Wos für a Schuahgröße hod da anda ? Fois wer woas wie lang a Kegelbahn is. Neiching is gespannt

Sauba Schorsch. Im 1 gegen 1 schnupft er den Neichinga. Sauba weida so

Oliver Scheierke (15) für Dominic Masion (10)

Auf gehts Olly heisln mias ma

Tor für SpVgg Neuching

Mia hams ned gseng. Koana konns so richtig glam aber anscheinend einfach neighaud. Koana hods gseng aber bitter is. Forstern zoagd an Wechsel an aber da Schiri mechd ned pfeiffa. Koa Konzentration und de laffan durch. Des muas ned sei

Scho wieder Neiching. Kummd am Schorsch vorbei aber wui wieder Tennis spuin

Da Schwingi lassdn schwinga und trifft den Neichinga. Zum Glück pfeift der neda

Jausa Lattentreffer vo Neiching

Guade Chance vo Neiching aber der geht guad vorbei

Tor durch Til Koschewa (9)

Ja scheiße. Des is leicht ganga. Da 9er laffd durch. Schiabdn nei. Schorsch konn nix macha

Strafstoßtor durch Maximilian Stern (11)

Sauba bombt. Schee unten rechts nei. So muas des. Weida nächsts Heisl kummd glei

Elfmeter für FC Forstern II

Ja geil auf gehts

Neiching vorher guade Chance aber der Stürmer denkt si i spui liaba mit am gleanan Boi und schnoitzn aufn Tennisplatz

So direkt vo da Ersten zur zwoatn. Weit wars ja ned. Danke an BFV für de guade Ansetzung das ma ois mitgriang. Machts as wia de erste und holts 3 Punkte

Anpfiff der Begegnung